Përtej Moshës

Përtej Moshës (Beyond Age) është një dokumentar observues që e sheh moshën e tretë jo si fund, por si një fazë të brishtë, shpirtërore dhe thellësisht njerëzore të jetës. Përmes ritmit të përditshmërisë së tyre, protagonistët ndërtojnë ura mes kujtesës dhe së tashmes, duke përjetuar kohën si pritje aktive dhe reflektim të qetë. Në gjeste të vogla – kujdesi për një zog, puna me duar, shëtitjet në natyrë apo një këngë e kënduar me zë të ulët – shpalosen kujtimet, dashuria dhe vazhdimësia e jetës.